Skip to main content
Animalien ongizatearen eta espezieen kontserbazioaren alde lan egiten dugu.

Gure zaintzaile, albaitari eta adituen taldeak Sendavivan bizi diren animalien beharrak zaintzen ditu, WAZAren (Munduko Zoo eta Akuarioen Elkartea) animalien ongizaterako estrategiaren jarraibideei jarraituz eta animalien ongizatearen bost arloak kontuan hartuz: osasuna, elikadura, portaera, ingurunea eta ongizate mentala.

Horrez gain, biodibertsitatea babesten laguntzen duten eta milaka bisitari planeta zaintzearen garrantziaz sentsibilizatzen dituzten ikerketa-, kontserbazio- eta hezkuntza-proiektuak sustatzen ditugu.

Ingurunearen aberastea, animalien ongizatea bermatzeko tresna

Animalien ongizatea sustatzeko oinarrizko tresnetako bat ingurune-aberastea da. Horren bidez, objektuak, usainak, egiturak, jolasak edo erronkak bezalako estimuluak gehitzen dira, espezie bakoitzak bere portaera naturalak garatu ahal izan ditzan: esploratu, igo, janaria bilatu, jolastu edo erronka txikiak gainditu.

Sendavivara egiten duzun bisitan kutxak, sokak, zulatutako enborrak, pilota sendoak edo barrutietan “arraroak” iruditu dakizkizukeen beste elementu batzuk ikusten badituzu, ez dira zaborra: aberaste-teknika horien parte dira, animalien adimena suspertzeko eta jarduera fisikoa sustatzeko diseinatutako elementuak.

leones
leones
Eskualdeko, estatuko eta nazioarteko 30 ikerketa- eta kontserbazio-proiektu baino gehiagotan parte hartu dugu, eta kopuru horrek urtez urte gora egiten jarraitzen du

Hau laguntzen dugun proiektuen erakusgarri txiki bat baino ez da, eta fauna babesteko nahiz ezagutza zientifikoa hobetzeko dugun konpromisoa agerian uzten du.

 

Palmira

Bisoi europarraren kontserbazioa

Bisoi europarra Europako ugaztunik mehatxatuenetako bat da. Sendavivak aktiboki parte hartzen du haren kontserbazioan. Alde batetik, adin aurreratua dela eta ugalketa-programatik ateratzen diren aleak hartzen ditu; bestetik, “askapen aurreko instalazioak” izeneko bi gune kudeatzen ditu, naturalizatuak eta publikoarengandik isolatuak. Bertan, berriro naturan askatzeko diren bisoiek ehizan eta arrantzan ikasten dute hilabete batez edo bitan, askatasunean bizirik irauteko aukerak handitzeko.

Bear ID

Bear ID proiektua

Sendavivak Bear ID proiektuan parte hartu du. Ekimen honek adimen artifiziala erabiltzen du natura-ingurunean dauden hartzak identifikatzen laguntzeko, fototranpa bidez lortutako irudietatik abiatuta.

Hartzak animalia iheskorrak dira, eta zaila da haiek aztertzea metodo inbaditzailerik erabili gabe. Horregatik, teknologia honek ikertzaileei adina, sexua eta ale jakinak zehaztasun handiagoz bereizteko aukera emango die. Zoologiko gisa dugun zeregina funtsezkoa da: gure Siriako hartz arreen argazki ugari ematen ditugu —adina, tamaina eta argiztapen-baldintzak ezagunak dituztenak—, AA tresna entrenatzeko eta fidagarriago bihurtzeko.

UPV

UPV/EHUrekin lankidetza hainbat ikerketatan, gorotzen analisiaren bidez dieta zehazteko metabarcoding metodoen erabilgarritasuna aztertzeko.

Ikerketa honen helburua metabarcoding tekniken fidagarritasuna ebaluatzea izan zen, animalia espezie desberdinen dieta haien gorotzen analisi genetikoen bidez ezagutzeko gaitasuna aztertuz. Horrek informazioa eman zuen metabarcoding metodoaren mugak eta aplikazioak argitzen saiatzeko.
Sendavivan, ingurumen-saileko kideak arduratu ziren animalia desberdinak dieta kontrolatuekin elikatzeaz, gorotz-laginak biltzeaz eta bidaltzeaz, baita prozesu esperimental osoaren erregistroa egiteaz ere, ikertzaileek behar zituzten datuak emateko. Horretarako, garbiketa-protokolo oso zorrotzak erabili zituzten beti, prozesu osoan akats esperimentalak saihesteko.

rta

SEMICE proiektuan parte hartzea

UNAVeko ikertzaileekin lankidetzan, bertako mikrougaztun basatien populazioen monitorizazioan, SEMICE proiektuaren barruan (Espainiako mikrougaztun arrunten jarraipena), Granollerseko Natura Zientzien Museoak bultzatuta.

Sendavivaren barruan laginketa-estazio bat dago, eta bertan urtero, udaberrian eta udazkenean, 4 egunez mikrougaztun basatiak harrapatzen dira haien populazioek denboran zehar nola aldatzen diren ezagutzeko eta aldaketa horiek ekosistemako aldaketekin lotu ahal izateko.