Sendavivaren desgaitasunarekiko konpromisoa sendoa bezain zeharkakoa da. Sortu zenetik, parkeak gero eta erraztasun gehiago eskaintzen dizkie desgaitasuna duten pertsonei eta haien laguntzaileei, Irisgarritasun Unibertsalaren irizpideak kontuan hartuta.
Parkeko sarrerako leihatiletan badago behar bezala seinalatutako mostradore bat, entzumen-aparatuak edo kokleako inplanteak erabiltzen dituzten pertsonentzat indukzio-begizta magnetikoa duena. Gailua “T” posizioan jarriz, erabiltzaileek zuzenean jasoko dute arreta ematen dien langileen ahotsa, inguruko zarata saihestuz, eta entzutea askoz erosoagoa eta atseginagoa izango da.
Leihatilan, desgaitasuna duen pertsonaren sarrerak balioztatu edo erostean, sarbide azkarreko eskumuturreko bat emango da, eta parkeko langileek jarriko dute.
Sarbidea atrakzioen irteeratik edo horretarako seinalatutako sarbideetatik egingo da. Atrakzio bakoitzak bere funtzionamendu-arauak eta sarbide-maiztasuna ditu, eta operadorea izango da pasearen erabilera zehazteko arduraduna.
Iritsieran eta barneko joan-etorrietan hainbat erraztasun eskaintzen ditugu:
Mugikortasun urriko pertsonentzako aparkaleku-plaza erreserbatuak (dagokion txartela behar da), parkeko sarreratik hurbilen dagoen aparkalekuan.
Behar dutenentzat moto elektrikoak eta gurpil-aulkien mailegua ditugu (20 euroko fidantza behar da, aulkia itzultzean bueltatzen dena).